政壇：搞搞政：工商界霸位(目及)實競委會

政府近年多項政策疑向工商界「開刀」，先有最低工資，後有事在必行嘅男士侍產假，搞到工商界叫苦連天。據聞工商界已(目及)實未來多個影響商界權益嘅戰場，首先開戰嘅可能係競爭事務委員會（競委會）。

立法會喺舊年六月通過《競爭條例草案》後，商務及經濟發展局蘇錦樑表明會盡快成立競委會同審裁處，籌組時間至少一年半載，原本有排都未殺到，但最近接連捱打嘅工商界不敢怠慢，金睛火眼(目及)實競委會嘅組成，底因係法例賦予競委會好大權力，一旦觸犯法例，有關懲罰認真辣。有工商界表明為免任人魚肉，事前張揚會爆發「卡位戰」，換言之會極力爭取加入競委會霸位做好把關工作，睇嚟蘇錦樑要諗吓計仔點平衡各方利益同關注。

據聞政府最快今年首季成立標準工時專責委員會。有工商界中人話成個討論如最低工資立法翻版，要求立會工商界代表「拉布」抗立法。