唐英年僭建惡人先告狀

參選特首落敗後鮮有公開露面的前政務司司長唐英年昨接受電台訪問，談及九龍塘約道大宅僭建還原進度，他投訴屋宇署調查十個月「又鑽又剝」仍無結果，「拆晒所有裝修」，將僭建的地庫幾乎還原，直言感到不耐煩，揚言去信署方申請建牆封閉地庫，自行還原僭建。有工程界人士認為，今次調查時間不算特別長，因要調查清楚僭建物是入則前還是入則後興建，及是否有刑事成分。

唐英年昨稱，九龍塘約道大宅地庫僭建自去年二月被揭至今，屋宇署多次往大宅地庫鑽採樣本，又將地庫裝修拆掉，「剝到去鋼筋」調查，近日更獲署方通知「一粒磚都唔郁得」，他笑稱不知署方調查「做得咁深入」，連他所委託的專家小組亦不明所以，只知署方已將僭建半拆至「還原咁滯」，「所以我要好感謝佢哋（屋宇署）用公帑去幫我做呢啲嘢（還原僭建）」，期望署方未來可「一視同仁」深入調查。

今申請起磚牆封僭建

對於有指署方在處理唐宅及特首梁振英山頂大宅僭建中有雙重標準之嫌，唐指自己近月外遊不諳情況拒評論，但他揚言今日去信屋宇署申請「起一幅磚牆封住佢」，稱若不獲批「會覺得好奇怪，點解我起道磚牆就唔可以接受呢？」

昔日因僭建被對手利用成為致命一擊，唐英年坦言當時亦估計梁「你梗係無（僭建）啦！」對方後來亦被揭有僭建，他驚訝說：「嘩！咁都得？」形容情形可笑。對於梁振英強調梁宅僭建「只是疏忽」不涉誠信問題，唐英年說：「如果係咁樣係疏忽嘅話呢，將來施政就千祈唔好疏忽喇！」他拒評梁是否有攻擊對方騙選票，但指「既然佢（梁振英）自己都有僭建而批評我個僭建呢，我覺得咁的做法係唔公道嘅！」被問到沒被選上會否感慶幸，唐斬釘截鐵一句「有」！唐又表示：「如果我選咗做特首，可能我面對更多彈劾，更多遊行，更多批評都未定。」

對於有指國民教育、東北發展計劃等「前朝炸彈」相繼爆發阻梁施政，唐就指不應諉過前朝，直言新政府有權更改前朝政策，而梁上場後亦有推翻前朝政策。唐又深信中央會讓港落實普選，更呼籲梁「唔好諗住去怪邊個，而係你自己做好向中央爭取真普選的工作先」。至於他的未來去向如何，會否加入政黨，以致會否捲土重來選特首，唐僅稱自己當要細思去向，要處理家中僭建及「久違」家族生意，未有正面回應。

但唐表示，希望可以在不同位置繼續服務市民，惟不欲「今屆政府覺得我喺度要脅緊佢，因為我到底喺政府做咗九年幾，我既有經驗，亦都喺政府嘅時候，同公務員合作無間。」