SUN搞作：應有此報：死得咁易，咪好着數？

被六個淫魔輪姦重創嘅印度少女，終於都與世長辭。報載，六個淫魔好有可能要被判死刑。之不過咁，小編就認為，有啲嘢，唔係話一死就可以謝天華嘅。嗰位無辜嘅少女本身擁有光明嘅人生，就因為你哋一時淫慾薰心，唔止失去生命，仲要喺死前受盡折磨。如果畀你哋引刀成一快就當解決咗，似乎彰顯唔到正義喎。

咁啦，小編雖然唔認為以暴易暴係一個好好嘅做法，但係有時對住啲人渣呀狗官呀暴君呀苛政呀嗰啲，都唯有出此下策啦。嗱，小編就搵到一啲世界各地對付強姦犯嘅方法，印度嘅司法部門不妨參考吓，如果呢幾個淫魔受嘅痛苦，可以警醒到其他用緊下半身諗嘢嘅男人嘅話，佢哋嘅死先叫做有價值，受害者先可以真真正正安眠。