政壇：政商定格：何超瓊俞琤鬧市密斟

賭王二房長女Pansy何超瓊被本報獨家揭發與密友俞琤漫遊巴黎至今，唔經唔覺將近一年，佢哋一直都採取「寧畀人知，莫畀人見」嘅態度，前後腳低調約會，甚少見佢哋一齊出動。

不過，上周五下晝約四點，Pansy同俞琤呢對「難得知己」坐私人座駕，雙雙抵達中環雪廠街，落車後步入太子大廈，邊行邊交頭接耳，最後佢哋停留喺一間名店外。當時Pansy對眼望向櫥窗內貨品，但佢好明顯無心shopping，繼續同身邊嘅俞琤密密斟。

未幾，俞琤先行離開，冇咗密友喺身邊嘅Pansy神情變得落寞，不時拎手機出嚟望，似係心急等緊一啲消息。可惜等咗二十分鐘仍毫無動靜，佢只好返回雪廠街登上座駕離開。