子宮潰爛發炎有殘肢

【本報訊】情竇初開的少男少女在情難自控下，容易「搞出人命」，尤其在佳節、假期過後，意外懷孕的青少年人數更會急升，有前線社工透露，曾接觸不少接受內地墮胎手術而出現後遺症的求助個案，呼籲少女不要為怕麻煩而胡亂前往內地廉價診所墮胎。

意外懷孕求助最細12歲

參與青少年服務多年的資深社工陳鑑銘指出，每年都會轉介為數不少的少女予家計會，接受終止懷孕服務，求助數目更會在節日後達至頂峰，「一般喺聖誕節、復活節，甚至暑假之類嘅長假期之後就好多人嚟，可能假期佢哋得閒啲，一出去玩就容易做錯事。」

陳續指，前來求助的少女均十分年輕，有求助者更低至十二、三歲，多為派對期間酒後亂性，在不理智、不情願的情況下偷食禁果而意外懷孕。

陳指出，除尋求終止懷孕轉介，社工亦遇過不少因返回內地進行墮胎而產生後遺症的個案，「個女仔本身做完（墮胎手術）以為冇事，後來覺得唔係好妥先求醫，最後發現（子宮）潰爛、發炎，原來係做得唔乾淨，子宮入面仲有殘肢。」他勸喻年輕男女如不慎懷孕，不應鋌而走險光顧內地墮胎診所或醫院，「其實件事並唔係想像中咁差，應該搵番社工跟進，佢哋先可以真正幫到手。」