City Parade：精英唱跳笑
聖誕夜，狂歡夜。盡攬城中精英才俊嘅「菁英會」，都以勁歌熱舞迎佳節。「華麗荷里活」的主題晚上，名人二代齊齊「奉旨」扮嘢，笑聲加上歡呼聲，不醉無歸。香港係人才庫，叻人輩出，傑出青年協會今年三十五歲生日，早前喺尖沙咀一間酒樓舉行周年晚宴，新舊傑青聚首一堂，唱歌、拉手風琴外，仲有棟篤笑表演。傑青，果然多才多藝。
菁英會喜迎佳節：優雅三美
三個女人如果是一個墟，莎莎太子女郭詩慧（中）與港島婦女聯合會主席張雅麗（左）及珠寶公司太子女吳嘉淳（右）就組成咗一個優雅嘅墟。
瞓身籌辦
出爐菁英新丁龔嬿（右）與鄺晶晶（左），瞓身搞呢個別開生面的聖誕派對。
班長幹勁
香港航空總裁楊建紅（右）被推舉為第十四期菁英學員嘅班長，執委詹勝（左）都讚佢幹勁十足。
年輕才俊
菁英男丁個個都係年輕才俊，左起廖偉麟、莊家彬、張家豪、林凱章、黃進達及湯振傑。
預演攞獎
剛當選港區人大嘅陳振彬（中）開心到拎起迷你獎座預演攞獎。菁英會榮譽主席洪為民（左一）、施榮忻（右二）、主席楊華勇（左二）及常務副主席梁宏正（右一）齊齊祝賀一番。
傑青會多才多藝：生日驚喜
晚宴當日，咁啱係傑出青年協會副主席甄韋喬（左二）嘅太太（右一）生日，二人嘅大仔甄偲瀚（左一）及細仔甄廷翰（右二）送上生日蛋糕搞驚喜。
傑青聚首
唔同年期嘅傑青難得聚首一堂，左起葉長安、黃卓健、黃傑龍、梁裕龍及趙傑文。
高歌助興
歌手倫永亮係九三年十大傑青，呢晚高歌一曲助興。