政壇：行善 賀愛駒連勝

身兼國際小母牛香港分會籌款委員會主席嘅「快勞夾大王」Simon杜振源、太太曹麗明、囡囡Athena杜泳璇同囝囝Michael杜擴業名下嘅愛駒「小母牛」早前連贏兩場頭馬，仲即時宣布捐出四十多萬元畀慈善機構小母牛，日前仲喺沙田馬會會所擺下慶功宴，當選港區全國人大代表嘅南旋集團主席王庭聰同佳能香港高層鄧慶治等老友都有去沾喜氣。

當晚Simon嘅掌上明珠Athena都有到場，小妮子重返校園修讀心理學，希望充實吓自己，而Michael同太太Vivian都有到場，Vivian話奉行每星期食一次「環保海鮮」，即係捕殺過程冇咁殘忍嘅海產，被殘忍餵養嘅鵝肝都唔食。