每逢假期之後，大家又要早起返工，真係好痛苦。不過咪以為淨係自己辛苦，負責叫人起身嘅人都非常慘，一嚟賴床嘅叫極都唔醒；二嚟當叫醒人之後，分分鐘又要畀人話做咩唔早啲叫醒佢，硬食死貓……面對呢啲情況，又令小編諗起一個教人叫賴床者起身嘅片段。原來只要喺賴床者耳邊講一句︰「我睇過你嘅短訊。」即時就會令賴床者彈起，元旦、農曆新年假就到，大家不妨試吓呢個方法，睇吓叫唔叫得醒啲懶瞓豬喇！
