SUN搞作：Sun畸事：淫賤黎抬不起頭來

淫賤黎錯食雜嘜事後丸，結果出現咗一大堆後遺症，最慘嘅令佢體內嘅女性荷爾蒙過多，變到唔男唔女。淫賤黎一肚火，即刻搵周一鑊找晦氣，問佢點解之前唔做好把關工作……

淫賤黎︰我個胸依家凸凸哋，就嚟要戴bra，你高興喇！

周一鑊︰無事嘅，短期副作用，好快好番。

淫賤黎︰你知唔知最嚴重係，我縮咗入去喇！

周一鑊︰咁大鑊，咁咪唔可以再喺女人面前展露雄風囉。

淫賤黎︰我……我喺女人面前……真係抬不起頭來……

周一鑊︰既然係咁，我介紹你去韓國搞搞佢。

淫賤黎︰有用咩？

周一鑊︰可以有番男子氣慨，最重要係可以傳宗接代。

淫賤黎︰咩呀，喉核又關生仔事？

周一鑊︰你又話抬不起頭？

淫賤黎︰喺女人面前抬頭講嘢，咪畀佢哋見到我冇喉核，咁醜怪，我先唔抬頭。