政壇：蔡和平鬧完亞視炳無綫
浙江省同鄉會聯合會青年委員會一班年輕人，早前喺開業一年就勇摘米芝蓮一星嘅會所餐廳浙江軒歡聚，曾經創造《歡樂今宵》等膾炙人口電視節目嘅視壇老行尊Robert蔡和平都有現身。講起增發免費電視牌照，佢不留情面批評亞視嘅表現「好渣」，冇乜節目好睇，如果滿分係一百分，亞視連十分都冇，所以畀市民多個選擇未必係壞事。
Robert又鬧埋無綫嘅綜藝節目經常玩低級趣味，一樣抵鬧，仲話電視台嘅好壞取決於節目內容質素，如果新加入嘅投資者冇呢個原則，咁香港都唔需要再多一間免費電視台提供垃圾節目喎！
蔡和平（中）應青委主席車弘健（右一）邀請現身演講，蔡太（左）溫馨撐場。