SUN世代：與太太「不打不相識」

學武術、代理眼鏡，鄭德龍與這兩樣東西有種不解之緣。他的父親是眼鏡行業老行尊，代理眼鏡品牌，「爹哋好犀利，爺爺好早過世，佢就擔起頭家。雖然佢讀書唔多，但好好學，晚晚瞓喺張碌架床睇書自修，白手興家做起眼鏡生意。我細個唔使返學或者放暑假，都會落舖頭幫手，聽聽埋埋好多眼鏡嘅嘢。」

至於他的另一半，原來是一位視光師，二人更是「不打不相識」。十多年前，鄭德龍從加拿大返港過暑假，有天他到九龍公園學功夫時，認識了現任太太，「佢全家有三個女，三個都係學劍術。」但假期完了，他又要返回加拿大，二人只能透過電話、電郵保持聯絡。後來鄭德龍返港發展，二人重遇，才開始發展，更於去年共諧連理，「嗰時我受傷，佢一直有喺我身邊支持我，真係好多謝佢！依家大家都算係同行，有好多共同話題。」