SUN搞作：大條道理：拆禮物啦喂！

今日係boxing day，按照慣例，大家會喺今日圍埋一齊拆禮物，同其他人一齊分享喜悅。唔知咁多位，今年收過最鍾意，最有心思嘅禮物係咩呢？不過咁，雖然大家互送禮物係好sweet，但係小編亦有唔少朋友因為諗唔到送咩而煩惱不已，甚至有啲人因為收唔到心水嘅禮物而背後指指點點。

哎，呢啲咪就係以前讀書講過嘅「請客」陋習囉！為咗虛應故事買禮物，送嗰個又煩，收嗰個又唔開心，有咩意思呢？

嗱，小編唔係反對交換禮物，只係話如果唔係雙方都有心嘅話，就不如唔好搞啫。講真吖，係對妳好嘅，就一年365日都會對妳好o架啦，覺得啱妳想你開心咪送嘢畀你囉，要送禮物，使咩咁多藉口又聖誕又剩？