SUN搞作：膠片直播：完全戇居自殺手冊（下）
上次同大家分享過一系列笨笨的死法，今次再嚟個part 2。片中所見，一眾笨笨的人，為咗死可謂各出奇謀，燒自己頭髮者有之，匿入乾衣機者有之，食強力膠者又有之。老老實實，大家唔好以為咁樣死好有型好出位，呢段「死」咗咁多人嘅片，喺youtube上面，都只不過係得嗰幾千點擊。
一代名臣文天祥曾經講過：「人生自古誰無死，唔好死得低低哋」（好似係）。呢幾日聖誕檔期，除咗有假你放之外，仲係要話你知，能夠降生喺呢個世界，係一件好有意義嘅事。呢啲片，睇吓笑吓算啦！唔好模仿吖！
