SUN搞作：Sun劇場：玩爆淫黎個股

淫黎壞腦之謎，終於解開！原來乃成日得罪人多，稱呼人少，終於畀人大整蠱，落瀉藥搞到佢急瀉。

心慌意亂嘅淫黎，喺山洪暴發之前，竟然畀佢發現前方有一個流動廁所，諗都唔諗即刻狗衝埋去。誰不知，原來呢個廁所先係整蠱計劃嘅亮點。

就喺淫黎享受緊肛門同直腸括約肌交替衝擊，一波接住一波嘅快感之際，個廁所突然爆開咗！淫黎大解嘅英姿，就咁暴露喺人前。受到如斯刺激，即使係厚面皮如佢，都一樣支持唔住。只見佢口中唸唸有詞：「契爺殺到嚟，香港九龍新界無得避，要化身玉皇大帝打救蒼生……」

一邊傻笑笑到gap gap聲，一邊對住啲囡囡講：「你睇吓！我好大條……道理o架！」就咁嚇到壞腦，藥石無靈。（好似係）