政壇：政商定格：李應生讚鱷魚肉進補妙品

冬天宜進補，但市面嘅補身妙品如蟲草、鹿茸等動輒價格驚人，百成堂集團主席李應生（Tommy）就介紹進補妙方，佢話平有平補，貴有貴補，價錢大眾化嘅可揀鱷魚肉，煲湯、入饌都唔錯。

Tommy話，鱷魚肉有益肺止咳嘅功效，仲可以補血補腎，冬天最好用鱷魚乾煲靚湯，加埋百合、淮山、川貝、蜜棗、瘦肉一齊煲，啖湯又甜又滋潤，一家大細都啱飲。唔飲湯，食鱷魚肉都得，Tommy話，鱷魚肉渾身是寶，鱷魚扒、爪、皮都食得，既美味又低脂、低膽固醇，重有好重膠質。

佢仲話，以前鱷魚肉進貨量少，價格相對較高，仲有人以蜥蜴肉冒充出售。不過，家吓有急凍鱷魚肉輸港，價錢變得相宜，大家可以放心食喇。