政壇：潘潔離官場晒人狗溫情

新一屆政府中，環境局可謂大換班，由局長到政治助理都換晒人，前副局長潘潔自六月底後就離開咗政府，同佢同期離開政府嘅人，唔少都開始陸續投入新工作、新環境，潘潔似乎仲享受緊難得嘅悠閒生活，佢近日將放狗嘅靚相放晒社交網站，大晒人狗溫情！

潘潔加入政府前曾經喺大學教書，至今未聞佢重執教席嘅消息，反而見佢喺網上上載同愛犬郊遊嘅新照片，潘潔仲懶神秘咁叫大家估下張相喺邊度影，之後佢開估係西貢。有人問佢近況，潘潔回應話自己好好，又自爆每個周末都有揸車到街上睇靚女，好似西貢、大美督等喎，無官一身輕。