政壇：CY夜訪避寒中心送暖

香港啱啱過咗個最凍嘅平安夜，特首梁振英（CY）前晚同家人吃過晚飯後，原來去咗梁顯利油麻地社區中心探訪。今日會離港休假五日嘅CY，尋日以「寒冬下的溫暖」為題發表網誌，大談自己平安夜出動送暖嘅經驗。

CY話，前晚到達避寒中心時已有數十人喺入面，佢哋嘅背景都不盡相同，由年輕到年長人士都有，佢引述其中一位由內地返港嘅年長人士話想喺香港搵工作但遇到困難，又特別叮囑佢要令香港繼續繁榮。CY聽完之後保證話：「請放心，你的叮囑亦是我的工作動力，我和我的團隊定必為此努力」。

佢又語帶感慨話「七百萬人是一家」，希望市民能夠喺呢個普天同慶嘅日子，將歡樂和溫暖傳送到香港每個角落，關愛社會上不同階層和不同界別嘅人。