兩部門霸旺地搬遷懶懶閒

【本報訊】鄰近港鐵旺角東站的洗衣街水務署辦事處佔地約四千六百平方米，旁邊的食環署倉庫及毗鄰臨時停車場佔地更廣，隨着港鐵旺角東站上蓋發展為包括商廈及酒店的旺角新世紀廣場，水務署及食環署位於洗衣街的辦事處地皮合併，面積逾一萬平方米，若作商廈發展，可與新世紀廣場起協同效應。不過，由於部門一直未有積極物色合適的搬遷地點，阻礙地皮重新發展之餘，亦令旺角難有空間改善交通配套設施。

立法會議員馮檢基指十多年前已要求水務署及食環署搬遷旺角辦事處，但部門一直未有積極回應，「真係拖得太耐喇，冇理由咁耐都搵唔到地方搬，講都冇人信啦。」油尖旺區議員陳偉強指「水務署一直話買工廈搬遷，但買嚟買去都未買到，食環署又話會搬個停車場及維修中心去深水埗欽州街西及欽明路交界嘅用地，但嗰度附近有紀律部隊宿舍及民居，部分居民話擔心有啲運過死人嘅黑箱車泊喺度，又擔心會造成空氣污染，批評政府未有主動諮詢居民，結果到依家仲未落實搬遷選址。」地皮遲遲未發展他直斥浪費公帑。