本報七月率先踢爆走法律罅

【本報訊】元朗無牌酒吧氾濫，今年七月本報率先報道有啤酒專門店走法律罅，搖身一變成為無牌「露天酒吧」，有職員更向佯裝顧客的記者稱「唔使拎牌」，若被告阻街亦只是「罰款當交租」。幫襯的酒客其實亦分分鐘會惹上官非，上月便有市民於士多買啤酒後，於店內坐下飲用惹官非被捕。

「最多畀食環署告阻街」

今年七月，本報記者親身觀察又新街及福樂徑一帶的啤酒店，發現酒舖有酒賣有食物，更夜夜笙歌，職員於店外放枱椅，招呼客人坐下飲飲食食。記者佯裝顧客查詢有否酒牌時，職員大模廝樣稱：「我哋淨係賣酒！又冇喺店內提供地方飲酒！咁樣係唔使拎酒牌！」職員更加指於店外擺放枱椅「最多畀食環署告阻街！幾千蚊罰款當交租囉！」無懼被警方掃蕩。

事實上，德國啤酒漸受港人歡迎，不少人覬準潮流走「法律罅」，在元朗開舖賣酒。元朗區議員蕭浪鳴稱，今年年初開始，鳳攸北街、又新街、福樂徑以至水邊圍村一帶，突然湧現多間啤酒店，由於人客坐於街上飲食，不少街坊投訴聲浪過大，加上顧客飲酒後隨時發生打鬥或傷人案，影響區內治安。

另一區議員袁敏兒則指，曾多次向警方、民政署及食環署等政府部門反映，警方雖然曾多次掃蕩，但「一雞死一雞鳴」，希望政府檢討發牌制度，立例規管啤酒專門店。