SUN驚奇：月泊僅$500攞盡政府優惠

政府停車場被車行用作安置「幽靈的士」，原因不外乎一個「平」字。現時運輸署屬下十四個多層停車場，都有為的士提供月租泊車優惠，月泊費只需五百元，較一般鄉郊露天停車場還要便宜。有的士司機亦直斥囤積的士的車行，連政府優惠亦「攞到盡」，與小車主搶位。

為方便的士停車，運輸署屬下停車場均以優惠價出售月票，月租僅五百元，較一般市區私家車位動輒二、三千元月租便宜得多。「政府收咁平，係因為的士係搵食車，點會日以繼夜停喺車場，霸住個車位，就算月泊，停低嘅時間都唔會長。」的士司機張先生指：「我哋除咗交更，架車都好少入嚟，所以我哋月泊平私家車咁多，如果有的士泊咁耐，會搞到我哋難搵位泊。」

運輸署發言人表示，運輸署轄下十四個多層停車場均有售《的士泊車月票》，限額按個別停車場的泊位數目及需求釐定，數量由二十至七十張不等。所有月票必須持車輛牌簿才可購買，而已購買月票人士，可於月票指定月份內任何時間將的士停泊在指定停車場內。