SUN搞作：膠片直播：完全戇居自殺手冊（上）

你身邊或者總有一啲朋友，個腦空空如也，行路又唔帶眼，唔知點解唔係撞到燈柱，就喺巴士碌落樓梯，而當小編一睇到呢個廣告，腦海自然就浮現咗佢哋呢種人喇！呢個廣告以一首輕快嘅小曲：《Dumb ways to die》（笨笨的死法），再加上古怪有趣嘅卡通公仔，示範好多種騎呢低能嘅死法，譬如打獵時節去森林扮糜鹿、喺外太空嗰陣打開頭罩、又或者上網賣咗自己兩個腎等等等等，仲有好多無無謂謂嘅自殺方法，真係好似佢哋所為呀！

其實呢，睇到尾就會發現係墨爾本地鐵宣傳鐵路安全意識嘅廣告，但係點解會同笨笨的死法有關呢？自己上網睇吓啦！睇完仲可以去官網度，親自「殺」死啲卡通公仔o架！

不過呢，同所有大熱片段一樣，呢條片都逃唔過佢哋嘅共同命運─被人惡搞。但係，呢次嘅惡搞，真係好惡搞……（待續）

膠片連結：www.youtube.com/watch?v=JKZ27ZPMrRo

網站連結：dumbwaystodie.com/