踢走「無心機」行動紓怨恨

【本報訊】「死揸住仇恨，唔會翻到身。」婚姻失敗，並非世界末日，五十多歲的熊女士前年遭丈夫拋棄，痛恨之極而一度鑽牛角尖，想過倣效他人淋丈夫鏹水，聲言「坐監都值得」，幾經朋友和信仰支持鼓勵，終學懂放低怨恨，重拾好心情，向平面設計的新事業邁進。社福團體「我熱愛生命」趁聖誕節來臨，昨舉行「全城踢走無心機」行動，派出名叫「武森機」的灰色大公仔現身鬧市巡遊，祝願市民向「無心機」情緒講拜拜。

唔好成日諗負面嘢

醫院管理局今年中發表「香港精神健康調查」中期報告，評估二千五百名市民精神狀況後，發現百分之十四有明顯情緒困擾。臨床心理學家郭韡韡指出，部分市民即使生活不俗，心理負擔仍很多，除工作壓力和人際關係等因素，亦源於主觀感受，「成日諗住唔好嘅經歷，情緒好易困擾，嚴重可致抑鬱病或自殺傾向，要學識放低負面嘢。」

熊女士曾因失婚而充滿怨恨，丈夫生意失敗，而自己幾十年全心照顧三名子女，傾力為家庭付出，丈夫竟提出離婚，她的心情跌谷底，需辭去工作，心裏只想「丈夫快啲死！」她攤開報紙新聞，見到有婦人向丈夫淋鏹水被判囚三個月，她竟想過倣效。幸好她獲轉介至社福機構心靈輔導小組，終解開心結。熊女士寄語市民，「個人冇心機唔好屈喺屋企，要走出去睇吓個世界，唔好以為付出咗就有回報，否則只會失望。」她笑言自己已重生，現完成電腦課程，準備進修平面設計。