City Parade：唱K迎聖誕
香港藝術中心今年三十五歲生日，慶祝活動停不了，早前喺藝術中心意大利餐廳Assagio舉行慈善晚宴，大玩《Art Will Rock You》，城中名人齊齊時光倒流回到七十年代，懷舊一番。籌得善款將捐畀藝術中心，推動藝術發展。中華廠商聯合會亦提早賀聖誕，早前喺世貿中心搞「行業晚宴」，各行各業逾二百位精英齊出席，輪流上台唱K，大展歌喉。
廠商會行業晚宴：明日之星
廠商會副會長李秀恒（右）千金李楚洳（左）歌聲甜美，加埋亮麗外形，不難成為歌壇明日之星。
遊韓賞雪
副會長顏吳餘英（右）將同老公遊韓國賞雪，會長施榮懷（左）瞓身搞工展會，無暇出門。
各自精彩
廠商會展覽服務有限公司主席吳永嘉（右）聖誕想遊沙巴食海鮮，副會長徐炳光（左）就話留港休息。
高歌娛賓
大會本來想用數萬元請歌星助興，常務會董沈運龍就慳住大家荷包披甲上陣，唱歌娛賓。
良朋狂歡
廠商會青委相約開聖誕派對狂歡，好玩得。左起羅家遠、李慧娜、黃浩鈞、劉子芸及羅程剛。
藝術中心慈善晚宴：寶珠再現
千億新抱徐子淇（左）一身「陳寶珠」打扮，老公李家誠（右）都讚造型維肖維妙。
模範夫妻
九巴後人雷兆光（右）與太太雷林靜怡（左），係圈中公認嘅模範夫妻。
最佳酒腳
立法會議員田北辰（左）愛飲紅酒，不時搵太太（右）做「酒腳」。
