（正能量）如果你仲睇到呢篇嘢，就即係恐嚇咗全人類幾個月嘅末日論已經煙消雲散，返工嘅繼續返工、欠債嘅繼續欠債、失戀嘅繼續失戀，末日並唔會為你哋嘅生活帶嚟任何改變。
嗱，無論係因為主席唔批准，定係力場全開彈走隕石都好，總之你同我都未死得，大家都要繼續做人。有個好老土嘅講法，話死過番生嘅人都會重燃生活希望。既然係咁，不如大家當自己死過一次，以後就快快樂樂咁走落去啦！
