政壇：政商定格：青聯勁chok扮嘢迎聖誕

聖誕鐘聲響起，香港青年聯會一班兄弟姐妹早前喺陽明山莊會所大搞「青聯勁chok聖誕夜」扮嘢派對，大家都係後生仔，扮起嘢上嚟真係令人目不暇給，從場中角色嘅分布嚟睇，似乎機師同空姐look好吸引班青聯才俊噃！

當晚扮空姐嘅有賢慧社主席羅詠詩（Anthea）同林淑怡，Anthea原來諗住襯番扮機師嘅青聯副主席兼觀瀾湖集團主席朱鼎健（Ken），可惜當日阿Ken喺北京機場受大風雪影響，趕唔切返香港。賢慧社副秘書長周沁就着上一身騎師裝束，佢話好嚮往策騎樂趣，尤其係花式馬術，但一直未能如願，所以咪着晒全套裝束滿足吓囉！