政壇：霍啟剛儲定錢派利是

霍英東家族長孫霍啟剛舉行完矚目婚禮後，都有一排冇現身公開場合，享受甜蜜嘅新婚生活。日前，啟剛喺一個聖誕活動現身，講到同太太郭晶晶嘅婚後生活，心情靚絕嘅佢透露晶晶正忙於適應香港生活，但晶晶以前長年四出征戰比賽，性格好獨立，適應冇難度喎！

聖誕之後，農曆新年亦不遠，啟剛同晶晶拉埋天窗後，角色亦由過去逗利是變咗派利是，啟剛一聽，笑笑口咁話識得人多，要儲定錢至得，佢仲好搞鬼咁話初一至初十匿埋唔見人喎！