SUN世代：監製殭屍片圓電影夢

禮儀以外，蘇頌輝還有一個電影夢。「我係周星馳迷，由細到大都好鍾意睇電影，希望有日可以拍到一部荷里活電影。」一○年他踏出追夢第一步，跟華籍女導演Jennifer及幾位好友合作，拍攝了一條片長十一分鐘、名為Bloodtraffick的微電影。

故事講述一對姐妹遇到殭屍的經歷，蘇頌輝擔任電影監製，拍攝大小事務都要一手包辦。「我哋得三日時間去拍，因為電影內容係講殭屍，一定要喺太陽出嚟之前拍。記得去到最後一日仲未拍完，但就嚟天光，我哋惟有即刻將報紙黐喺窗度當夜晚，真係好『牙』煙。」

該片女主角更奪得第十九屆洛杉磯電影節最佳女主角，令他信心大增，「今次只係小試牛刀，呢十分鐘只係片頭部分，依家仲參加緊各地嘅電影節，會喺全球多個地方巡迴播映，希望有電影公司有興趣，咁我哋就可以拍晒成齣戲出嚟，完成呢個夢想。」