SUN微博：末日之前：你的命，不比牠重

唔知係咪末日論作祟，近排真係多咗好多人走去做啲不顧後果，甚至傷害其他生命嘅事。計之前有人虐殺貓貓之後，又有腦殘大學生將貓貓貼喺床板，極盡殘忍無人性之能事。

小編真係好想問一句，就算我哋只係得番幾日，係咪就代表你可以去傷害其他生命？點解人類咁殘忍，咁自私？如果畀人虐打嘅係你，或者你身邊嘅人，然後對方一聲「玩吓啫，橫掂都要死」就拍拍屁股走人，你會有咩感受？

唔該你哋，唔好以為自己好高等。小編話你知，你條命，絕對唔夠嗰幾隻貓貓寶貴。假如真係有末日，畀我揀，我會寧願救嗰幾隻貓貓都唔救呢班人形垃圾囉。