政壇：政商定格：滙豐分行得獎有段古

滙豐銀行搞嘅全城優質服務獎終於揭盅，滙豐香港區零售銀行及財富管理業務主管施穎茵話今次有逾三十二萬人投票，最終係由旺角彌敦道分行喺大行中拎到「最優質銀行服務獎」。記者對當中一個故事特別深刻。

話說有個婦科醫生係滙豐銀行十二年客仔，兩年前，醫生想送小朋友去英國留學，異地求學要準備嘅事尤其多，但佢就一籌莫展，咁啱畀旺角分行一個曾留學英倫嘅女客戶經理知道，佢就自告奮勇，用私人時間同醫生分享經驗，客戶經理後來有咗龍B，仲專登搵番嗰位婦科醫生幫佢接生添！

聽講佢哋就係咁建立咗互信關係，醫生經常介紹生意畀客戶經理，能夠幫公司搵到生意當然值得嘉許。