政壇：曾鈺成有老虎射住辦公室

立法會主席曾鈺成生肖屬豬，佢深信老虎有利自己，早前四出物色一幅老虎畫掛喺辦公室，全國政協王國強知道後熱心為佢張羅，好快就搵到擅於畫虎嘅名畫家韓石為佢畫咗幅老虎畫。幅畫掛起後，連曾太都好滿意，話隻老虎好在唔係惡形惡相。唔通曾太屬虎嘅？

曾鈺成話一直都遇到好多屬虎嘅人，所以毫不懷疑屬虎嘅人旺佢，包括佢師傅吳康民、十五年前同佢一齊創立建仔嘅程介南、徒弟李慧琼同鍾港武，仲有○八年拍檔喺港島出選立法會嘅蔡素玉等，真係唔到你唔信。