SUN微博：末日之前：搖下去，滾下去

大家記唔記得，小編之前講過話，末日之前，記得去做想做嘅事呢？嗱，依家有件真人真事分享嘞。話說小編有兩個friend，本身係唔識音樂嘅，唔知係咪因為末日將至，兩條友仔突然的起心肝，話要一個彈琴，一個打鼓，喺末世之前組番隊two man band，rock and roll一番咁話喎。小編起初都好懷疑，得番一個星期度，由唔識到學識到夾歌，做唔做到o架？點知佢兩個笑笑口咁話：「唔緊要！就算最後夾唔切，起碼都叫做試過熱血過，話唔定喺另一個平行時空，我哋會去到大球場表演呢！」或者佢哋真係睇得《天與地》太多，不過睇住佢哋一個琴佬一個鼓妹，好pure好true嗰個樣，唔知點解，突然覺得好熱血。