次世代生活圈：拼湊新意 貼出藝術

也許你毫無繪畫天分，常感到自己與藝術之間有着說不出的距離。拼貼老師Hazel隨意剪剪貼貼，用海綿印上顏色，瞬間就將玻璃碟變成獨一無二的藝術品；Hazel用拼貼藝術，告訴我們藝術也很平易近人。

半年前，80後媽媽Hazel突然決心要豐富自己的生活，「上網見到人哋整拼貼好靚，又唔使識畫畫，就走咗去學。」結果一試便愛上，修畢一個月的課程後便更全情投入其中，除了鑽研技巧外，更膽粗粗去開班授徒，推廣拼貼藝術。

報紙、雜誌、圖書甚至餐巾都是拼貼藝術的原材料，只要看到喜歡的圖案，剪下來再用上特定漿糊黏黏貼貼，家具即時煥然一新。「唔學唔識，但學咗就真係好易。」Hazel眼見自認「藝術白癡」的學生也能完成作品，滿足感油然而生。

除了開班授徒，Hazel亦愛將拼貼藝術融入生活，閒時在家中創作，她的兩位孩子七嘴八舌地表達意見，場面好不熱鬧，她更會親自教孩子製作私家布袋，「我好鍾意教小朋友，佢哋創意十足，有次佢哋想剪一張印有米妮老鼠圖案嘅餐巾，唔小心剪斷咗隻手，但佢哋剪多隻羊貼喺米妮旁邊，仲剪封信畀米妮攞住，做出嚟個袋佢哋好鍾意。」這位拼貼媽媽坦言，拼貼藝術不單為她帶來事業，更帶來珍貴的親子互動時間，為她和孩子添上燦爛笑容。