尋日立法會辯論對特首CY梁振英嘅不信任動議，醫學界議員「怪醫」梁家騮幾日前採取拖字訣，話到投票嗰刻先會決定投票意向。尋日再被記者追問到底會點投，佢就繼續帶記者遊花園，跟手仲擺埋老竇上枱，話尋日係佢老竇九十三歲生日，夜晚要同屋企人去旺角食飯慶祝老竇生日，未必趕得切返立法會投票。
怪醫喺六點半離開立會時，仲話要返屋企接埋老婆一齊去，對於會否趕返投票，佢就用「睇吓點先」繼續擋駕，臨走一刻都要神秘過人。最後佢都係冇返立會投票。