政壇：政商定格：粵劇義演助博愛籌款

博愛主席潘德明、總理歐倩美及劉石達等人，日前齊齊現身荃灣嘅「飛燕天地」，同粵劇名伶尹飛燕及囝囝阮德鏘等人宣傳本月二十三日將喺高山劇場舉行嘅《孝莊皇后》粵劇慈善夜，到時售票收入將捐畀博愛，為長者送暖。

當日知名粵劇女配角「二幫王」任冰兒，即任劍輝妹妹都有現身，燕姐笑稱自己喜事連連，事關《孝莊皇后》係佢最心愛嘅劇目，依家唔止擔綱演出，仲係第一次做導演，加上最近佢囡囡又添咗個B女，難怪現場有粉絲投訴話搵唔到佢喇，皆因佢去咗加拿大幫手湊外孫女。潘德明就呼籲大家買飛入場，既睇戲又做善事，幫助提升長者嘅快樂指數。