政壇：大狀做法官衝出亞洲

○三年成立嘅論政組織「三十會」，由一班年輕專業人士組成，據聞近年「三十會」召集人、本身主打金融財經範疇嘅大律師李律仁（Laurence）更衝出香港，獲卡塔爾多哈嘅金融監管審裁處邀請做後補法官，基本上每年須去當地一至兩次，據聞佢仲係少有嘅亞洲面孔添！

中東嘅杜拜同卡塔爾近年都大力發展金融業務，有人形容多哈好似內地前海咁，好多創新嘅金融、專業服務都有觸及，對於專業人士更求才若渴，Laurence被選中就好唔簡單。一手湊大「三十會」嘅佢做咗召集人九年，Laurence話「三十會」一向不太理會市場，最重要係畀不同意見有機會表達，佢大讚會內嘅後起之秀，相信可以繼續注入新思維喎。