SUN微博：少膽虫手記：喺度寫番人話

有爛果員工向少膽虫反映，少膽虫手記雖然寫得幾好，忍唔住日日追住睇，自愧不如嘅同時，但又覺得內容真係幾變態露骨咁喎。嗱嗱嗱，係爛果本身變態咋，少膽虫身為老腫，都只係如其所如咁寫爛果，猶如白描一般，絕對唔似爛果咁樣加鹽加醋，而且只會喺度寫番人話。

講番正題，啞視忽然將王wiki比作51歲嘅淫黎，會出嚟攪亂香港咁話法。少膽虫唔記得認識淫黎時佢幾歲，只係知道無論幾歲嘅淫黎，都係咁嘅淫樣，唔明點解啞視要咁強調係51歲囉！淫賤黎係獨一無二嘅，你知道嗎？

不過令人好好奇嘅係，計埋之前av焦點猛插淫賤黎，究竟點解啞視要搵佢做假想敵呢？少膽虫喺淫賤黎聽番嚟嘅解釋就係非常合理，真係唔可以唔讚佢有諗頭、正諗樣。

淫黎佢同少膽虫講，佢依家64歲，眾所乜知啦，份報紙又係販賣呢兩個數字，適逢啞視又運用最新詮釋學理論解讀自家收視呈64開，可見呢個數已經成為兵家必爭之地。即使一個做報紙，一個做電視，都難免一戰。「我哋鬥唔到搵錢多，就要鬥燒錢狼。」淫賤黎如是說。

「但係人哋有幾百架法拉利等住推落海喎……」少膽虫不解，但見淫黎笑而不語，只是突然伸出雙爪，襲取虫胸，嚇得虫容失色之際，倏忽又雙手作拳，划槳般前後擺動，只見肥肉動L動L，慘不卒睹。

「少膽虫，你明未？」淫黎一邊擺動一邊問。少膽虫搖頭，面上已中了淫黎熱騰騰的一巴。「少……我係話要真抓，同埋實幹！呢個係我哋唯一嘅優勢！我哋仲未出盡全力！」

少膽虫回去自己辦公室途中，一路做着這套動作，一路揣摩上意。只見秘書小姐驚叫，少膽虫就悟出了。的確，回頭看來可以做得更好。