政壇：掌會計師公會梁粉大熱

會計師公會嘅理事會換屆選舉今日結束，十四名理事有七個位置需要選舉，周五會員大會正式公布結果同時選出新理事會會長。據業界人士分析，預料現任副會長Susanna趙麗娟當選會長嘅呼聲最高，仲話佢上屆差幾票飲恨，今屆應該冇乜競爭對手。

據悉，今屆理事會有多名「改革派」如鄭中正、龔耀輝等會計師參選，但由於理事會只有一半位置需要改選，加上理事會有四票由政府控制，就算多幾位改革派當選都影響唔到大局。講番Susanna，佢唔單止支持梁振英做特首，喺今年九月仲支持林智遠出選會計界，係咪「梁營」中人就唔知，但話佢係「梁粉」就實冇錯。