SUN世代：半日驗140駒尿液

賽事化驗師要與時間競賽，賽馬要在限時完成化驗，確保馬匹體內無違禁藥物。Jenny說：「跑日馬，朝早七點半就收到一百四十隻出賽馬匹嘅尿液樣本，首場比賽前半個鐘就要出晒所有化驗報告，賽後首兩名贏出馬匹同部分馬會受薪董事提名馬匹嘅血同尿都要驗，完成測試，馬會先派獎金。」

即將舉行的香港國際賽事更是賽事化驗師每年最忙的日子。「有數十匹外地馬喺國際賽前一至兩周嚟香港，但佢哋唔係一次過嚟，唔可以一批過檢測，所以要好好安排時間。」Jenny續說，部分馬匹運送時被注射鎮定劑，賽前需不斷重複測試，確定沒有藥物殘留，所以整段時間化驗師都極為忙碌。

「不單止出賽馬匹，騎師尿液樣本，訓練緊嘅馬都會抽驗，甚至馬匹飼料都經測試才可使用。」由於抽驗頻密，Jenny直言本地馬匹鮮有出現用禁藥事件，上一次禁藥事件已是十多年前的事。