SUN微博：打橫嚟講：香港悲劇，邊個啱邊個錯呢？

網上有則短訊，講一個七十多歲老婆婆喺十三、四度下雨天，彎身成朝執咗一大堆紙皮，於街邊整理時，遭食環署職員「干預」，並Call車嚟「掃場」，要清走老婆婆艱苦半日的成果；與此同時，有個途人經過，睇唔過眼，喝止欺負長者的「執法人員」，並拍下現場幾張實錄相片，連文字表述，Post上網，叫大家Share，去「表揚」食環署職員盡責行為，果真「一發」不可收拾，大批網民罵食環署淨係識蝦阿婆。

事件瘋傳，引來傳媒記者到場「採訪」，竟發現這位老婆婆在該處拾荒多年，但一直都是將執回來的紙皮，亂堆街頭，長期阻礙行人路和車路，附近街坊和商舖店員多番屢勸無效，而食環署接獲投訴也不少，但老婆婆因擔心將紙皮放入後巷，會被人偷走，遂不顧「勸喻」，也不理阻塞人車通道，每日如是，自食其力。

上述香港悲慘故事，背後如何解讀呢？

過路途人確有正義感。網上威力巨大，網民即時反應一定係鋤強扶弱，尤其媽叉政府的，反映香港人之怨氣多厚。網絡消息主導咗傳統新聞工作。網上訊息，雖快，但不全面……種種新聞學上可討論的議題外，大家可有留意現今香港法治不彰的現象呢？

大街路邊，每日戙出電訊行銷的臨時檔位，加埋佢哋扯起的易拉架，愈擺愈出，成條街「封到行不得」，若有災亂，後果堪虞。依家，重有班「歌神」，用超強喇叭，唱到二十樓都聽到，究竟差人、食環署、香港政府執法人員去晒邊呢？無王管叫人自生自滅同自求多福囉！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

就係咁爆

讀者可透過智能手機下載「東方互動」app，於「爆料」項上載影片大爆特爆！

email：sunweibo@opg.com.hk

「就係咁爆」網址：tv.on.cc/hot