網絡流傳考試神器！在唔太高科技嘅計數機表面下，暗藏高科技嘅「殺機」！當你大模廝樣咁拎住部考評局核准咗嘅計數機入考場，大大力咁放喺枱上，環視四周，你會發覺自己從此平步青雲，與眾不同。因為即使你無一個有錢嘅daddy，但係有一個好嘅網絡搜尋器，你已經成功咗一半！無錯，呢部其實係一部遇神殺神、見佛殺佛兼且上到網嘅必殺手機！
