SUN微博：網絡小說：日以繼夜盼太陽

少膽虫盼星星，盼月亮，盼太陽，終於盼到新一期《好報》今天發行。大家有睇開少膽虫手記，都知少膽虫平時只係鍾意談談風月、講吓股樓車位，又或者舔吓淫賤黎鞋底，一向有咁俗得咁俗，極之物質主義。但係人性本善，少膽虫今次決定要為自己同大家嘅靈魂做番啲好事！

事必有因，自從上次淫賤黎見《好報》一出，要試定棺材之後，爛果上下都忍不住人手一份，想睇吓爛果點樣先可以力挽狂瀾。點知少膽虫偷聽咗幾個人啫，反應幾乎一致！

甲說：「《好報》在港九新界一百多個熱點派發，好人好報，隨手可得，好！」乙說：「我明天不會外出，故已叮囑家人取份《好報》回家，一份好報，全家傳閱，方便得來又慳紙，好心好報好環保，好！」

少膽虫忍不住插嘴：「還是不如買《太陽報》好。」

眾人驚問：「此話怎說？」少膽虫笑而答曰：「《好報》內容固然精彩，《太陽報》同樣不容錯過。如今還有少膽虫手記大揭爛果編輯部隱私，如此美事，夫復何求！」眾人點頭稱是。

忽然淫賤黎房門大開，只聽到佢大喝：「少膽虫！你食碗面反碗底？」少膽虫心知不妙，隨即雙腿發軟，急急入去辯解：「非也！非也！少膽虫只係想叫大家參考吓對家，唔好故步自封，以為自己天下無敵。爛果唔可以再墮落落去喇！」當然，淫賤黎聽後沉默不語，少膽虫個心始終都係驚驚哋。

「一位作家曾經講過，」淫賤黎終於出聲，「當年郭沫若與老毛同乘飛機，讚嘆『艙外一個太陽，艙內一個太陽』，現在港人看報，卻是『天上一個太陽，手上一份太陽』，世間萬物，黑白分明！少膽虫，即刻同我買多幾份返嚟照住！」

收到！少膽虫咁就積咗陰德喇！