SUN世代：識明星朋友最緊要好玩

即使你少會留意潮流之事，未必就對Eric So這名字陌生。有關他的資訊，不時會出現在娛樂新聞，他在演藝圈中人緣極廣，這潮界大師多被冠名「設計師好友」，或某女藝人的前男友。

不明內情的人或會猜想，Eric名成利就，只因圈中朋友多。Eric對這些誤解不以為然，自言與圈中人結緣，並無出於野心或策略，「識朋友，好多時都係因緣際會，有啲我識佢嗰時，佢都未入呢行，我又唔係咁獨具慧眼，一眼就睇出佢之後會紅。」

他不時會跟藝人好友Crossover創作，藝人李璨琛和填詞人黃偉文，都成了他製作Figure的對象。促成這些潮物誕生，動機極其單純，賺錢非首要考慮，只為跟朋友一起造出好玩之事。「我睇人好公平，唔會用人嘅身份區分，只會分好人定壞人。如果朋友做錯事，佢幾有身份都好，我都照鬧。」