SUN微博：打橫嚟講：解放香港國際馬拉松

十多年來，大陸水貨客橫行中港，尤其上水火車站外（後來伸展至附近民居），烏煙瘴氣，民不聊生；可恨，兩地政府視而不見，人們投訴無門，叫苦連天！直到一班網民睇唔過眼自發「聲援」，結集「人民的力量」「光復」上水，件事炒大，香港政府才幫拖；原來，一下子三扒兩撥，便「鎮壓」咗那群禍港的大陸水貨客。唉！何解一單嘢，政府原本三幾日足以處理到的，係要搞到「怒火街頭」才派人做嘢嘅呢？真係好　頭？

嗱！現過咗兩個月唔到之嘛！「光復上水」稍為紓緩，那批水客大佬又再翻生蒲頭啦！但唔係好覺香港政府有人(目及)實做嘢喎！只見當地居民再次張貼小海報「嚇吓鬼」，但成效點呢？等着瞧！

中港關係融和咗十五年，成績？只知仍在「磨合中」囉！明年二月在香港舉行的國際馬拉松，本是一件香港喜慶大事，點知，今日又爆出七萬幾個名額，十月報名嗰日，即日滿瀉，其中主因是好多大陸人湧嚟參加。有資深長跑家發現大陸一家「長跑會」公布取得多個名額，可包留港兩日一夜的食宿，條件要三小時內完成賽事喎！當然，先要入咗佢哋個會先！會費幾多？我唔知嘞！

家陣，有大批香港跑手又非常不滿，好端端一件盛事，又如爭生仔床位、入學學位咁，被內地人「做生意」搵着數。

我哋不應歧視大陸人，但香港也無法力敵佢哋光復（或解放）香港的決心和進逼行動！認命吧！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

email：sunweibo@opg.com.hk

「就係敢爆」網址tv.on.cc/hot