SUN微博：末日之前：對不起，我愛你

「對唔住」同「我愛你」，相信都係中國人心目中，最難講出口嘅兩句話。

其實，三個字有幾難講出口？既然真係有呢份情感，點解要收埋收埋，唔可以坦坦白白咁講出嚟呢？試諗一吓，如果大限真係到來，你望住自己所愛嘅人，但係已經開不了口讓他知道，最後好後悔咁合埋眼……會係幾悲悽嘅事？

太誇張？小編唔直接答你，用例子答你。話說小編有個朋友，佢一直都覺得好對前女友唔住，不過硬係無好好咁同人哋解釋清楚，真真正正咁道一個歉。直到有一日，佢的起心肝要去搵人哋講清楚嘅時候，遇上車禍……嗱，先唔好去質疑呢個故事嘅真假，其實世界末日嘅嘢，都未必真係會發生o架啦，如果咁可以幫你去講出一啲一直未講嘅說話，「live today like it's my last day」，就算最後末日係流嘅，都無咩所謂啦。