恒生銀行已故創辦人之一何善衡男孫何乃斌太太何倍倩，快將榮升做第二任媽咪，尋日佢喺Facebook跟好友分享呢個好消息，但佢呢次懷孕初期就非常辛苦，佢接受電話訪問時話：「依家有咗三個月，老公都好開心，未知係仔定女住，自己就希望係女，因為已經有個囝囝。今次佗得好辛苦，初初嘔得好犀利，成日都好攰又好唔集中，同第一胎好唔同。今次我會特別注重營養嘅吸收，會食多啲有營養嘅嘢，想增肥番少少......今次無論仔定女，生埋都收工o架喇。」
何倍倩今次懷胎，嘔得好犀利。（資料圖片）
