政壇：政商定格：廖偉芬餐廳有家的感覺

繼早前喺銅鑼灣開設首間精品咖啡店後，廖創興家族後人Jennifer廖偉芬另一瀝血之作，位於咖啡店樓上嘅旗艦店The Food Academics歐陸菜餐廳日前開張大吉，到賀嘅包括識飲識食嘅前高官葉澍堃夫婦、香港青年聯會賢慧社幾位好姊妹彭芷君、羅詠詩及張詩培，仲有歎咖啡歎到出神入化嘅藝人陳豪都到賀，大家都盛讚餐廳好有特色。

喺大學修讀建築嘅Jennifer今趟親自操刀，一手包辦餐廳嘅室內設計同裝修，富有歐陸氣派，佢話餐廳主題係「家的感覺」，希望客人有如置身朋友家中撐枱腳嘅溫馨感覺。