政壇:冬姑打的中環去中環
近排天陰陰、綿綿細雨,早幾日就喺中環遇到前環境運輸及工務局局長「冬姑」廖秀冬一個人擔住把遮,企喺置地廣場對出行人路等的士,見佢木無表情,加上雨天難截的士,罰企十五分鐘都未上到車,只好繼續苦等,期間諗嘢諗到入晒神。
記者走過去同佢打招呼,問佢打算去邊,佢竟然答話:「我返中環!」咦?乜呢度唔係中環咩?仲要去中環?佢講完之後,心情似乎進一步跌watt,目光移向馬路邊。望穿秋水,後來終於有的士上,佢話咁快就跳上的士離去。話時話,佢作為環保先鋒,點解中環去中環都要搭的士咁唔環保呢?