烽火台：《好報》一出誰與爭鋒

東方報業集團隆重推出免費《好報》，讀者大人有福了，其他免費報就慘了。正如本報「太一叮」專欄所講：「《好報》一出，誰與爭鋒，睇怕有啲免費報隨時摺埋都得咯。」

計小生話，唔止有啲免費報隨時摺埋，其他收費報紙同雜誌都係有得震無得瞓。試想想，《好報》作為一份反傳統的雜誌式報章，逢星期五隨《太陽報》免費贈送，大家只須付出六元，即可一次過滿足三個願望，同時享受收費報、免費報同雜誌的樂趣，不怕不識貨，最怕貨比貨，其他報章雜誌唔驚就假啦。

事實勝於雄辯，《好報》首日派發，即已哄動全城，平均每十分鐘派出一千份，數十萬份旋即派罄。但見派發地點人頭湧湧，讀者們接過報紙，紛紛豎起大拇指，大讚《好報》風格創新，題材吸引，內容健康，會將《好報》帶回家或公司，與家人及同事分享。再看派發現場秩序井然，人人自動自覺排隊，又充分證明《好報》讀者的高質素！

話說回來，近年免費報成行成市，濫竽充數，好似壹淫媒份《爽報》咁，唔少未出閘已被送去回收。家陣《好報》一出，實對環保事業大有裨益，一來，加速爽類垃圾刊物滅亡，免得累人累物累地球；二來，一份《好報》多人分享，進一步節省紙張，即是廣告傳閱率亦高啲啦！