政壇：政商定格：袋892萬元股份李小加大發

港交所上個禮拜喺市場閃電式配股集資近十億美元，有充足彈藥收購倫敦金屬交易所（LME）。LME已成為港交所囊中物，一手促成呢單世紀交易嘅港交所行政總裁李小加自然獲論功行賞。尋日港交所就公布，董事局已撥出892萬元用嚟買港交所股份獎勵李小加。按尋日收市價122.7元計，買到7.2萬股。

李小加今年九月續約港交所三年已獲加薪7.5%，年薪加到808萬，換言之，今次獎勵股份嘅金額，已多過佢一年嘅底薪，真係恨死隔籬！