政壇：政商定格：陳燭光帶傷獻舞襄善舉

演藝前晚有個「樂韻悠揚燃希望慈善音樂會」，演藝學院校董Ronald郭永聰開金口獻唱《獅子山下》，已故教育家陳樹渠千金Zandra陳燭光帶傷出台，同型男老師David Klar大跳性感探戈，前環境運輸及工務局局長廖秀冬公子Justin蕭偉中登上舞台指揮，組合夠晒新鮮。

Ronald唱完一曲，再與媽咪郭許雪禮合唱一首《The Prayer》。佢十八歲就喺悉尼贏得歌唱比賽冠軍，大有條件做歌星，但佢選擇去英國牛津讀法律，雖然依家係律師，但唱歌仍係佢最大嗜好。

身為音樂會籌委會主席嘅Adler珠寶董事總經理何彭慧嫻話，籌得二百二十多萬元善款絕對係爆晒燈。筆錢將用作支持突破機構，為四川災後青年提供心靈治療。